2-7 сынып оқушылары арасында «Зерде» республикалық зерттеу жобалары мен шығармашылық жұмыстар конкурсы өтті Арыс қаласы білім бөліміне қарасты Арыс жалпы білім беретін мектебінде ДБОЖЖО Ш. Ильясованың ұйымдастыруымен 2-7 сынып оқушылары арасында «Зерде» республикалық зерттеу жобалары мен шығармашылық жұмыстар конкурсының мектепішілік кезеңі өткізілді. Конкурстың мақсаты: Жас зерттеушілердің интеллектуалдық және шығармашылық қабілеттерін дамыту, ғылыми-зерттеу қызметіне қызығушылығын арттыру, дарынды оқушыларды анықтау және қолдау.
Конкурстың міндеттері:
• оқушылардың зерттеушілік дағдыларын қалыптастыру;
• танымдық белсенділігін дамыту;
• шығармашылық ізденіске баулу;
• ғылыми ойлау мәдениетін қалыптастыру;
• бастауыш және орта буын оқушыларының ғылымға қызығушылығын арттыру;
• дарынды оқушыларды анықтап, келесі кезеңдерге дайындау.
Жобалар әртүрлі бағыттар бойынша қарастырылды. Оқушылар өз жұмыстарын қорғап, зерттеу мақсаттары мен нәтижелерін таныстырды.
Қазылар алқасы жұмыстарды төмендегі критерийлер бойынша бағалады:
• тақырыптың өзектілігі;
• зерттеу жұмысының мазмұны;
• шығармашылық деңгейі;
• практикалық маңызы;
• қорғау шеберлігі.
Қазылар алқасының шешімімен үздік деп танылған жұмыстар келесі қалалық кезеңге жолдама алды.
Өткізілген конкурс оқушылардың зерттеушілік қабілеттерін дамытуға, шығармашылық белсенділігін арттыруға және ғылыми ізденіске қызығушылығын қалыптастыруға ықпал етті.
