«Қыз болмысы – ұлт айнасы» "Арыс жалпы білім беретін мектеп" КММ-де 11.09.2026 жылы
7-11 сынып қыздары арасында «Қыз болмысы – ұлт айнасы» тақырыбында қыздар жиналысы өтті.
Мектебімізде тәрбие жұмысы жөніндегі орынбасардың міндетін уақытша атқарушы Суппаева Нагима Сейфуллақызының ұйымдастыруымен қыздар арасында «Қыз болмысы – ұлт айнасы» тақырыбында тәрбиелік бағыттағы қыздар жиналысы өткізілді.
Жиналыстың басты мақсаты – қыз балалардың бойына әдептілік, инабаттылық, жауапкершілік, өзін-өзі құрметтеу, ұлттық құндылықтарды дәріптеу қасиеттерін қалыптастыру, қыз баланың қоғамдағы және отбасындағы маңызды рөлін түсіндіру.
Кездесу барысында қыз тәрбиесі, жеке бас мәдениеті, қарым-қатынас әдебі, сыртқы келбет пен ішкі мәдениеттің үйлесімі, әлеуметтік желіні дұрыс пайдалану және болашаққа жауапкершілікпен қарау мәселелері кеңінен қозғалды.
«Қыздың көркі – қылығында, тәрбиесі – болмысында» дегендей, әрбір қыз – отбасының ғана емес, тұтас ұлттың тәрбиесін танытатын тұлға.
Осындай тағылымды кездесулер арқылы жас қыздарымыздың бойында ұлттық сана, рухани құндылық және өзіне деген сенім қалыптасады деп сенеміз.
